virginia gail smith

Biindige naajmang

Saugeen Ojibway anishnaawbekiing gii gii eklaasin zhe nottawasaga ziibiingbiinish goderich, aagwiita ge wiibaakiiying maitland ziibi kiiwednoong biinish Tobermory. Ndo anishnaawbekiim naa digoosnoon nanda giigooke minisheyiin.

Niinwi anishnaawbek yaaw yang aawan maanda ndo anishnaawbe kiimnaa.

Ndo anishnaawbemowinaa aawan ezhigiishoweyaanh.

Maanda nsing shkode dibendaagzimi Shanda gaataaying gchi zaagignan gii yaa ok Ojibway, (majiikwisak) odawa (bebaa meshtoongetik), potawatomi ekwaamdimaasjik.

Niinwe ezhgodowaangoziiyaanh gii minido daadsing shandadodemnaang, shage miinwaa maang aawok egimaawjik, makwok ge ekwaamjiget epiichi noojmowin keng.

Eniiwokzhiijik wesiinhag debendmookiiyaat mimkadekeng enkamgak dibaajmowin. Bineshiiyak dodemwaa naage migizi enaagdowendang gichi sastamoojganan. Waabzheshiinhag iiyaawjik aakninook, giiseninook aagwiita giigoonhag dodemwaa, mishiikenh ge bemi makwa taagzhijik.

Maanda mishiikenh aki sastamoojgan ge anishnaawbek wii kwaamdamwaat dowendagwat. Maanda gdo kiimnaage, eshi biitwe naasgin nanda dibiko giisoogak dibendaagdoon mishkiki tedbiseng. Shaashi kii maandosjikemibiing, akiing, anishnaawbe minoomin, giigoonhkeng, miinwaa disoonaagan keng.

Minidowaadzige maaba anishnaawbe enakiitoot anishnaawbe kitigaaning endinang mshkiki, niiming, ngaming, misnibiigengge. Mii dash maaba engi gidaawgingoowing aki. Kina wego gii maashsemgat anishnaawbe eshi maadzit zhaagnaash gii naakniget aabdek shkoonganan wii tek. Mii gegwa anishnaawbe aki giimim kanding owe naaknigewin gii biinkeshkaak. Anishnaawbe ginamaagwen (indian act)

Gimaa Radio staff translation 2017. 

Aki ebiitming mdaaswi zhaanswi shi niizh Mnidoo Giizoonhs nesognagzid, mdaaswi shi zhaangswi zhaangsimdna shi niizh, December 3, 1992.

Debendaagzijig chippewas Nawash gaawii gegoo waawiindmaagewin g’chi gimanaang netmising Anishinaabe dio- nookiiwin.

Gii bskanechgaade g’chi twaa shkoden waa noojmogowaad, akiinhsing miizhtana shi niizh niimdana shi naanan miinwaa niizhtana shi niizh naanmidna shi naanan

maa miikan 6th Avenue West, (Epnishmog), gaa maajtaamgag wii bmiikmowaad neyaab gaa nenjgaadegin Anishinaabe ngo-kaanan.

Gii kinwaajchigewag anishinaabeg gii dewegewag miinwaa ngamwag gii moozhgnewendaagwod ji we wiitaangba.

Pii gchi waa wiidmaagewin nshwaasmidna shi niizh pii eshchigaadeg mdaaswi nshwaaswi naanmidna shi niizhwaaswi, akiihsan gii wenaamjigaadenoon waanji ngo kiigaazwaad waanji kinwaadendaagziwaad anishinaabeg.

Miigo maanda aki gaazhi daanding nikeya Federal gimaanaang zhangnaashii oodenaang gmaaming dash go gii bzhiizhgosin biinish go mdaaswi shi zhaangswi nshaasmidna shi niizhwaaswi pii dash eni (dbakaadeg) daazhgnigaadeg miinwaa gii daanding miinwaa niizh wiigwaaman gii zhichgaadenoon.

E-piichi ndaneming gchi waa wiindmaage maaba ge-noodmowaad anihinaaben miinwaa waazhi nnawsijgeyaad gchi gimaan gii maajtaagag ne-yaab wii debnaming aki.

Gaazhkwaa naangwan giizhgag mjmshkamwaad, mii gii gii-zhaaknigaadeg Minister of Indian Affairs gch gimaan enkiitwaad miinwaa chippewas Nash waa wiidmaagewin g’chi gimanaang neyaab wii daapnamwaad maanda aki.

Bezhig wigwam gii daandim wi dash bezhig wiigwaam gii maajiidaabaajgaade nbiing giini yaamgad (barge) ezhnikaadeg shkwanganing gii zhiwjigaade Neyaashiinnagmiing (Cape Croker) waa maamwii nokaazang, aanind kanan gii gaadenoon, pii wiigwaaman gaa maajii-daabaajgaadeg, gii zhaazhkiiwnoon kanan miinwaa kinwaajchigan gii zhichgaade ngo kaaning.

Gimaa Radio staff translation 2017. 

Wii nastaming besho g’chi waawiindnaagiwnan.

Medaaswi shi zhaangswi zhaagsimdana shi niiwin wi waa-wiindmaagewin niizhwaasmidna shi niizh gii maajtaamgad.

Bi-myegkiijig myegwenhig eshkam go besho bi-yaawag, g’chi gimaakwe gii wiindmaagetenig waa naanzheyaad wi naagdowenma’aad zaageeng Ojibwe anishinaaben.

Maanda naagdowenjgewin gii zhibiigaademgad maa; The Royal Proclamation 1763, waa wiinmaadwin Niagara 1764.

G’Chi Gimaakwe Victoria gaazhi bii’ang 1847 miinwaa gaazhi biigaadeg 1851 gaa mkigaadeg Anishinaabe aki waazhi naagdowenjgaadeg.

1836, G’chi gimaakwe bi-dgo yaamgag waa wiidmaadwin 45.5, gii waa wiindmowa’aan Zaageeng anishinaaben wi giishpin bgidnamwaad aki zhaawnong nikeya eni-zhi dbendaagog anishinaabenaang ji-nsaaknamwind gewii zhaagnaash jibi dnizid g’chi gimaakwe dash danaagdowendaan peninsula anishnaabeg endnokiiyaad pane go.

1854 g’chi Gimaakwe gii kida ni-bgijwebnamwaad peninsula ninda bi-shki myegkiinjin, miinwaa zaageeng anishinaabeg daa be-beshaakbiigewag waa wiindmaagewin 72 niizhwaasmidna shi niizh mii wi waazhi debnamwaad gezhgchigaadeg daanding akin.

G’chi Gimaakwe gii bnaajtoon enaangzhepa naagdowenmaad peninsula zaageeng anishinaaben.

Wi aki wii-ni biignigaadeg wiin ezhi waamdang gchi gimaa. Gaawii dash zhoonya gaa gshkichgaadeg wiika gii debnaziina’aa zaageeng ojibweg.

Wii waa wiindmaagewin 72 (niizhwaasmidna shi niizh) dbendaagog kwedwem ne yaab ji-miigweng gchi gimaanaang nikeya; tibe’emag miiknan, miinwaa ji-dbamaagoongba be-skaabniggaadesnog aki geyaabi gegoo e-naabjtoosgwaa miinwaa emgagkin miiknan,miinwaa jidbamaagoongba gaa bskaabnigaadesnnog aki miinwaa gegoo naabjitoowsgwag akiinhsan nchike debenjgaadegin

G’chi waawiindmaagewin nikeya gaawii gii gykchigesiim maage gaazhi weshsaweng.

Epiitendaagog meznageng zhi kwedwem $ 80 Billion.

(2003) Mii maanda pii gii maajtaamgag anishinaabeg gii bmiikmowaad aki gaazhi wnising neyaab kwedweyaad zaaghignan miinwaa naabiing akin zaagiing ojibweg debendaagzijig, mii wi ji-bgidnigaadegba wiinwaa ji-dbaaknaji-bgidnigaadegba wiinwaa ji-dbaaknamwaad wgidbiik miinwaa wii dbendmowaad giigoonhkewin dbishko gonna pane gegoo gaazhi dbendmowaad gaabi zhi bmaadsiwaad ji-bwaa dgoshnoomgag G’chi Gaaming naaknigewin (1760), gaabi naaknigowiing maanpii endnokiiying, ezhi dbendaagog naambiing akin dgosing nibi, giigoonh, noodin shpming miinwaa naamkamik endnigaadeg.

Zaageeng Ojibwe Anishinaabeg naajtoowaad nandwendanaa’ aa wii dbamawndwaa maanda wiinw debendmowaad aki gii daapnamwindwaa ezhi Anishinaabe waa wiindeg aki ezhi maanwaa ezhi dbwe- wendmowaad

Winnwaa wda kiimwaa ndagkengaadeg waazhi mkigaadeg da giizhsin da giishchiigaade September 2017.

Gonda engog-gaabwiyaad bemiikingig ezhi debwemgag miinwaa naaknigewinaazhdendwin wii bzindaang dbaaknigiwnini.

Wah dash dbaaknigiwnini wiin da-dbaaknigewendam aanii Canada maage Ontario wiinwaa wdindwinwaa gaazhi bnaadkamizwaad waazhi naagdowenma’aapa zaageeng anishinaaben endgwenh dash go wiinwaa ji-yaamwaad ezhi dbendaagog naambiin akin maanpii Lake Huron miinwaa Georgian Bay.

Maanpii zaageeng ojibwag debendaazijig meznamawndwaa bi-wiindmaagemgag mzin’igan 2016.

Gimaa Radio staff translation 2017. 
Using Format